20 Наурыз 2018
Болашақ ұрпақ үшін туған жеріміздің және бүкіл планетаның табиғатын сақтау және қорғау – біздің міндетіміз. «Туған жер» бағдарламасын жүзеге асыру аясында 20-наурыз №2 кітапхана-филиалында ЖББ №16 мектептің 4-сынып оқушылары (сынып жетек. З.С.Абильдина), Балқаш қаласының медицина колледжінің студенттерімен бірлесе отырып «Табиғатты аялау – болашаққа көз тастау» атты көрсетілімін ұйымдастырды.
Балалар көрермендер назарына туған жердің сұлулығы туралы, табиғатты ластамау секілді кішігірім театрлық көріністерді ұсынды. Шара барысында қатысушылар табиғи құбылыстар мен табиғатқа құрметпен қарайтын мақал-мәтелдерді еске түсіріп, жердегі тіршілікті құтқару, табиғатты сүю, қорғап қалу туралы өз пікірлерін ортаға салды.