16 Наурыз 2018
Ұлыстың Ұлы күні қарсаңында халқымыздың бай мәдени мұрасы – ұлттық ойындарды жаңғыртып, балаларды шынықтыру мақсатында №1 кітапхана-филиалы Абай атындағы №2 мектеп-лицейінің даярлық тобымен «Ұлттық ойын – халық мұрасы» атты қызықты ойындар сағатын өткізді. Шара аясында Алдар көсе, Қыдыр ата, Ұмай ана, бай, қаңбақ шал ертегі кейіпкерлерінің театрландырылған қойылымы көрсетіліп, әннен шашу шашылды. Мерекелік кеште «Ханталапай», «Алшы», «Сиқырлы таяқ», «Арқан тарту» ойындары ойнатылып, балалар кітапханашылар дайындаған Наурыз көжеден ауыз тиді. Кітап көрмесі ұйымдастырылды. Шара көңілді де жайлы атмосферада өтті.