16 Наурыз 2018
Наурыз айының 15 жұлдызында жергілікті ақын Мөлдір Бөлекованың 60 жылдық мерейтойына орай «Өлеңім менің – жан досым» атты кездесу кеші өтті. Аталмыш шараға поэзияға жаны жақын қала жастары жиналды. М.Бөлекованың махаббат тақырыбындағы өлеңдерінің шығу тарихы қатысушылардың ақын шығармашылығына қызығушылығын арттырды. «Балқаш қаласының орталықтандырылған кітапхана жүйесі» КММ директоры Л.Власова мерейтой иесін құттықтап, қаламыздың мәдени өміріне қосқан үлесі үшін алғыс білдіріп, естелік сыйлық табыстады. «Кәусар» әдеби жастар клубының мүшесі Бөкен Дина ақынға арнаған өлеңін оқыды. Мәдениет саласының қызметкерлері Меруерт Өтенова, Қалибек Өмірәлі, Бағдагүл Садуақасова ақынның әні мен сөзіне жазылған әндерді орындап, көпшіліктің көңілін көтерді. Кеш соңында Мөлдір Болекова өзінің шығармашылығына қызығушылық танытып, кездесуге келген барлық қатысушыларға алғысын білдірді.