20 Ақпан 2018
С.Сейфуллин атындағы орталық қалалық кітапханада Балқаш көпсалалы колледжінің 1-курс студенттеріне арналған «Кітапхана – кітаптар үйі» атты саяхат ұйымдастырылды. Студенттерге алдымен кітапхана тарихы баяндалып, оның бөлімдері мен залдары, қызықты көрмелері, жаңа ақпараттық-мобильді ресурстары таныстырылды. Маңызды оқиғаларға толы «Рухани жаңғыру – ұлттық дамудың ұлағатты үлгісі», «Қазақстанның алтын есімдері», «Кітаптың аты есімде жоқ, бірақ ол - көк» атты кітап көрмелері назарға ұсынылды. Сонымен қатар, студенттер кітапханамыздың ақпараттық-библиографиялық бөлімінің өлкетану залында болып, Астанамыздың 20 жылдық мерейтойына арналған «Астана – тәуелсіз Қазақстанның мақтанышы», қаламыздың атақты есімдеріне арналып жасалған «Туындысы мен тағдыры ұштасқан біздің өлке» атты көрмелерімен танысты.