08 Ақпан 2018
1933 жылдан бастап жарық көрген «Дружные ребята» республикалық балалар газетінің 85 жылдық мерейтойы аясында №5 кітапхана-филиалында «Читайте Дружные ребята» іс-шарасы ұйымдастырылды. Балалар аталмыш газетті өздерінің ата-әжелерінің сүйіп оқығаны жайында біліп, газеттің сол уақыттағы айдарларымен танысты. Мектеп жаңалықтары, ақын-жазушылардың балаларға арналған өлеңдері мен әңгімелері топтастырылған газет жас тілшілердің қатысуымен жанданып, оқырманға әлемдегі сан қилы қызықты деректерді жеткізген болатын. Осы жылдар ішінде газет бетіне түскен спортшылар, ғарышкерлер секілді түрлі саладағы әйгілі тұлғалар жайлы ақпараттар легінің бүгінгі күні аға буын оқырмандарымыздың балалық шағынан сыр шертері анық. Газетті аса қызығушылықпен оқыған балалар шара барысында ұйымдастырылған қызықты сұрақтарға белсенді жауап берді.