08 Желтоқсан 2017
8 желтоқсан күні №4 «Сырлас» кітапхана-филиалының ұйымдастыруымен балаларды ерте жастан оқуға баулу, танымдық қызығушылығын арттыру мақсатында «Балдырған» балабақшасы бүлдіршіндерінің қатысуымен «Ертегі еліндегі кейіпкер» атты әдеби дилижанс өткізілді.
Шара барысында «Қарлығаштың құйрығы неге айыр?», «Тасбақа мен қоян», «Түймеқыз», «Мақта қыз бен мысық» ертегілері дауыстап оқылды. Бүлдіршіндерге жаңа әдебиеттер таныстырылып, оқуға ұсынылды. Ертегі кейіпкерлерінің жақсы қасиеттерін саралап, әдепсіз қылықтардан аулақ болу керектігі туралы ойларымен бөлісті. Бой сергіту сәтінде «Ертегіні құрастыр» ойын-пазлы ойнатылды.