05 Желтоқсан 2017

"Кітапханадағы библиография қызметін ұйымдастырудың дәстүрлі және жаңа әдістері" семинар-практикумы

   С.Сейфуллин атындағы орталық қалалық кітапханада ақпараттық-кітапнамалық бөлімі қызметкерлерінің ұйымдастыруымен «Кітапханадағы библиография қызметін ұйымдастырудың дәстүрлі және жаңа әдістері» тақырыбында семнинар-практикум өткізілді. Жүйе кітапханашыларының ақпараттық мәдениетін көтеру, кәсіби біліктілігін арттыру мақсатында ұйымдастырылған шараға ОКЖ қызметкерлері қатысты.

    ОКЖ директорының орынбасары Б.К.Мұхаметжанова аталмыш семинар-практикумның мақсат-міндеттеріне тоқталып, төмендегідей қызметкерлер баяндама жасады: П.Б.Байболатова - С. Сейфуллин атындағы ОҚК ақпараттық-кітапнамалық бөлімінің басшысы («Құжатты библиографиялық сипаттау»); Е.О.Жоржик – кітап қорын толықтыру және іріктеу бөлімінің басшысы («кітапханадағы Е-кітап»); К.А.Жолнерова – кітапханалық үдерістерді автоматтандыру бөлімінің басшысы («Республикалық автоматтандырылған ақпараттық-кітапханалық жүйесіне библиографиялық жазбаларды экспорт-импорттау (РАБИС)»).

   Семинар практикумды қорытындылау мақсатында ОКЖ қызметкерлеріне библиографиялық жазбаларды экспорт-импорттау бойынша практикалық сабақ жүргізілді.