30 Қараша 2017

«Елбасы Н.Ә.Назарбаев – ұлт көшбасшысы, халық көшбасшысы» кітап көрмесі

     30 қараша күні М.Хамзин атындағы Мәдениет сарайында ҚР Тұңғыш Президенті күніне орай «Елбасы және рухани жаңғыру жолындағы Мәңгілік ел» тақырыбында қалалық форум өтті. Осыған орай С.Сейфуллин атындағы орталық қалалық кітапхана  қызметкерлері  «Елбасы Н.Ә.Назарбаев – ұлт көшбасшысы, халық көшбасшысы» атты кітап көрмесін ұйымдастырды. Көрмеге Елбасының қазақ елін жарқын болашаққа жеткізу жолындағы  қажырлы қызметі, сындарлы саясаты мен мақсатты жолдауларынан хабардар ететін кітаптар легі қойылды. Өркениетті елдермен ел терезесін теңестіруге, әлемдегі тыныштық пен тұрақтылықты сақтауға бағытталған Елбасының өз еңбектері де көрмені айшықтай түскендей. Елбасының кемеңгер тұлғасына, бітімгер бейнесіне арналған түрлі туындылар да көрмеден өз орнын тапты.