Ақ таяқ – бүкіл әлемдегі зағиптардың ең бір айрықша нышаны, бағыт беретін бірден-бір құралы. Халықаралық зағиптар күніне орай С.Сейфуллин атындағы орталық қалалық кітапханада іс-шара ұйымдастырылды. «Қазақ соқырлар қоғамының Балқаш оқу-өндірістік кәсіпорны» ЖШС төрайымы Абдрахманова Г.С. шараға жиналғандарды құттықтап, оларға денсаулық, көтеріңкі көңіл-күй, шыдамдылық тіледі. 

       «Балқаш қалалық мүгедектер қоғамы» қоғамдық бірлестігінің төрағасы Жақыпбаева К.М. және «Балқаш саңыраулар клубы» КМҚК директоры Ахметова  А.К. өздерінің жылы лебіздерін білдірді. 

     Шара барысында Н.Абеуова, Л.Шаклеина, Р.Шарипова және М.Шкуркина көңілді әндер орындап, қатысушылар викторина сұрақтарына белсенді жауап берді. Түрлі байқауларға қатысып, өзара сайысқа түсті. Мерекелік іс-шара көңілді әрі жылы атмосферада өтті.