15 Қараша 2017
С.Сейфуллин атындағы орталық қалалық кітапханада«Латын қарпіне көшу – уақыт талабы» атты тақырып аясында көрме ұйымдастырылды. Көрмені тамашалауға қаламыздың жоғарғы сынып оқушылары мен студенттері шақырылды.
Ұлттық құндылықтарымыздың басты қазынасы ана тіліміз болып табылады, сондықтан да біздің мемлекеттік тіліміз көптеген жылдар бойы өзекті мәселелердің бірі болып қалуда. Студенттер: «Еліміздің болашағы біздің қолымызда, біз, Қазақстан жастары, латын әліпбиіне көшу бағдарламасын қолдайтынымызды мәлімдейміз» - деп, бұл бастаманы қолдайтындықтарын білдірді. Еліміздің латын әліпбиіне көшуі қазақ тілінің халықаралық дәрежеге шығуына жол ашып, тілдің дұрыстығын, қабілетін және ақпараттық кеңістікте қауіпсіздігін нығайтады.