"Балқаш қаласының орталықтандырылған кітапхана жүйесі"
коммуналдық мемлекеттік мекемесі
30 Қазан 2017
Қазақстан Республикасының әлеуметтік қызметкерлерінің күні 2011 жылы бекітіліп, кәсіби мерекелер қатарында, жыл сайын қазан айының соңғы жексенбісінде аталып өтіледі. Әлеуметтік саланың басты байлығы – бұл егде азаматтар, жетім балалар, мүмкіндігі шектеулі адамдар көмек күтетін қайырымды, жоғары кәсібилігімен және тамаша адами қасиеттерімен ерекшеленетін ізгі жандары.
Мереке аясында С. Сейфуллин атындағы орталық қалалық кітапхана мүгедектер қоғамымен бірлесіп «Әлеуметтік сала қызметкері күнімен!» атты мерекелік іс-шара өткізді. Мүгедектер қоғамының төрағасы К.Жақыпбаев әлеуметтік қызметкерлердің мейірімділіктері, қамқорлықтары мен олардың жасаған және атқарып жатқан еңбектеріне алғыс білдірді. Салтанатты жиынның құрметті қонақтары, әлеуметтік сала қызметкерлері өздерінің жұмыстарының қиын әрі қызықты сәттерімен бөлісті. Мереке өте әсерлі және көңілді өтті.
