25 Қазан 2017
Қазан айының 25 жұлдызында №2 кітапхана-филиалы ЖББ №16 мектептің бастауыш сынып оқушыларына «Аулақ бол жаман әдеттен» атты мейірімділік сабағын ұйымдастырды.
Кітапханашы іс-шара қатысушыларына сыпайылық, этикет, әдет атты мінез-құлықтар жайлы әңгімеледі. Оқушылар басқа елдердің сәлемдесу салтымен танысып, мейірімді сөздер кездесетін шығармаларды естеріне түсірді. Белсенді түрде «Мейірімді-мейірімсіз» атты ойынға қатысып, өздерінің ата-аналарына қалай көмектесетіні жайында сырларымен бөлісті. Сабақ соңында кітапханашы балалармен бірге, әр адам өміріне қажетті этикет пен мейірімділік ережелерін құрастырды.