13 Қазан 2017
12 қазан күні С.Сейфуллин атындағы орталық қалалық кітапхананың ақпараттық-кітапнама бөлімінің қызметкерлері «Балқашым – туған мекенім, мәңгілік мақтан етемін» тақырыбында танымдық сағат өткізді.
Жасөспірімдердің Балқаш қаласының тарихын біліп, туған жерін, елін сүюге, халқына қызмет етуге тәрбиелеуге бағытталған шараға Балқаш сервис және медициналық колледждерінің студенттері белсене қатысты. Танымдық сағаттың әр кезеңдері қатысушылардың ерекше қызығушылығын оятты. «Қаланың басталу тарихы» кезеңінде қаламыздың алғашқы құрылысшыларының ерен еңбегі баяндалса, «Ұяшықтар», «Суреттен танып сөйле» кезеңдерінде өз білімдерін шыңдап, сұрақтарға белсене жауап берді. Шара барысында жергілікті ақын-композитор Қ.Сәденовтың «Балқашқа арнау» өлеңі оқылып, «Балқашым, әнім менің» әні орындалды.
Қорытындылау кезеңінде «Болашақ» талына Балқаш қаласына арнаған арман-тілектерін жазып қалдырды.