18 Тамыз 2017
Мәдени өсімдіктердің пайда болуы адамзат мәдениетінің қалыптасуымен байланысты. Адамзат баласы ерте ғасырдан бастап жабайы өсімдіктерді күтіп-баптау арқылы мәдени өсімдіктерді өсірді. Олар өзіне ұнаған дәнді-дақылдарды, тұқымдар мен тамырларды және жапырақтарды үйлерінің маңайына егіп, қажеттілігіне жаратты. Осы тақырыпты ашып, балаларға жеткізу мақсатында тамыздың 18 күні №2 кітапхана-филиалында «Путешествия с культурными растениями» атты викторина өткізілді. Қатысушылар сырттай жер шарын айналып саяхатқа шығып, табиғаттың таңғажайып сырлары жайында тамаша мағлұматтар алды. Шара соңында балалармен сөзжұмбақ, мақал-мәтелдер шешілді.