20 Шілде 2017
№5 балалар кітапхана-филиалында мүмкіншілігі шектеулі балаларға арналған «Күншуақ» клубы жұмыс істейді. Кітапхана қызметкерлері осы клуб аясында мүмкіншілігі шектеулі балаларға арналған түрлі іс-шараларды өткізіп тұрады. Соның бірі 20-шілде күні балаларды еңбек тәрбиесіне баулу мақсатында ұйымдастырылған «Қуыршақтар әлемі» атты мастер-класс болды. Бұл ерекше балалар өздерінің керемет өнерлерін көрсетіп, әлеуметтік қызметкер мен кітапханашының көмегімен материалды қиып, тігіп, сәндеп бірнеше қуыршақтар жасап шығарды. Балалар жасаған қуыршақтар өздерінің шығармашылық жұмыстары қойылған бұрышқа орналастырылды.