21 Маусым 2017
Ересектер мен балалардың бос уақытын тиімді пайдалану мақсатында С.Сейфуллин атындағы қалалық кітапхана қызметкерлері ұйымдастырған «33 идеи» үйірмесіне шақырамыз. Аталмыш іс-шараға қолөнер және тұрмыстық бұйымдар жасап, шахмат ойынының қыр-сырын біліп, туған өлкенің тарихынан сыр шертетін танымдық материалдармен танысып және де көкейінде жүрген сұрақтарға жауап ала алады.
Бірінші сабақта кітапханашы Д. Жаркымбекова балаларға ескірген кітаптардан креативті де сәнді заттарды жасауды ұсынды. Балалар үйірме барысында киіз үй, жеміс-жидектер және басқа да қызықты бұйымдар жасады.
Кітапхана қызметкерлері қатысамын деушілерді үйірме сағаттарына шақырады!