13 Сәуір 2017
Табиғат ежелден өзінің сұлулығымен жазушыларды және ақындарды шабыттандырған. Өздерінің шығармаларында олар табиғатқа деген қарым-қатынастарын, өздерінің туған жеріне деген сүйіспеншіліктерін өлең жолдарымен білдірген. Осы орайда 13 сәуір күні №2 кітапхана-филиалы өздерінің оқырмандарына арнап «Мы с природой одной крови» атты экологиялық кітап көрмесін ұйымдастырды. Көрме үш бөлімнен құралды: "Адам және қоршаған орта», «Табиғатқа деген сүйіспеншілік», «Жақсы тәлімгер - табиғат». Көрмеде табиғаттың тылсым құпияларын білуге және табиғатты қалай сақтап қалу керек екендігі туралы көптеген ақпаратты кітаптар ұсынылды. Сонымен қатар, көрме табиғатты қорғауға шақыру, дәйексөздер, табиғат туралы өлеңдермен де қамытылды. Іс-шара соңында барлық оқырман өздерінің табиғатқа, туған жеріне деген жүрек жарды тілектерін, ойларын жазып, ақ қайыңның бұталарына ілді.