17 Наурыз 2017
№3 кітапхана-филиалы наурыз мейрамы қарсаңында «Нұр себеле, Ұлыстың ұлы күні!» атты кітап көрмесін ұйымдастырды. Наурыз – қазақша жыл басы.
Наурызды “Ұлыстың Ұлы күні” деп те атайды. Бұл мейрамды берекелі етіп тойласа, үйге ырыс пен бақ келеді деп сенген. Ұлыс күнi – татулық тойы, шаруа, ынтымақ, сенiм, көңiл мерекесi. Бұл күнi күн мен түн теңеледi.
Кітап көрмесінде ұсынылған «Қазақ халқының салт-дәстүрлері», «Наурызнама», «Ас атасы – нан», «Қазақ халқының дәстүрлері той-мереке, сауық-сайран», «Ұлттық ойын тамашалары», «Қазақтың ұлттық тағамдары», «Қазақтың киіз үйі», «Жеті қазына» т.б кітаптарында табиғат та, Жер-Ана да, жан-жануар да жаңарып қала, ауыл көшелері жаңарып кигіз үйлер тігіліп, жеті түрлі дәмнен наурыз көже келген қонаққа ұсынылатыны туралы айтылған. Көрмеге қойылған кітаптар мен газет-журнал бетіндегі мол мағлұматтар әркімге пайдасы мол болмақ.