21 Ақпан 2017
XX ғасырда өркендеген қазақ ұлттық өнері мен мәдениетінің төрінен ойып тұрып орнын алатын қазақ халқының талантты да аяулы қызы, ата аңызға айналған қазақ опера өнерінің негізін салушылардың бірі, ҚКСР халық әртісі Күләш Байсейітованың 105- жылдығына орай А.Гайдар атындағы Орталық қалалық балалар кітапханасында «Сыңғырлаған сазды әуен» атты өнер сағаты өтті. Иісі қазаққа мақтан болған әнші-актрисаның әншілік өнерін бейнетаспадан тамашалап, жасынан домбырада, сырнайда ойнап, ән салғанын аса бір қызушылықпен тыңдады. Күміс көмей, бұлбұл үнді әншінің өмірі мен өнеріне арналған «Ғасыр бұлбұлы-Күләш» атты көрмеге шолу жасалды.