17 Ақпан 2017
16 ақпан №5 балалар кітапхана-филиалының мүмкіншілігі шектеулі балаларға арналған «Күншуақ» клубында «Шебер қолдар» атты ермексазбен жұмыс өткізілді. Бұл кітапхананың басты жобаларының бірі мүмкіншілігі шектеулі балалармен жұмыс болғандықтан, мұндай балалардың ақыл-ойын, қолдың ұсақ моторикасын дамыту үшін көптеген іс-шаралар өтіп тұрады. Осы ұйымдастырылған іс-шарада балалар өздерінің қолынан не келетіндігін көрсетті. Сәкітай А. биылғы тауық жылына байланысты тауықтың және балапанның формасын жасаса, Жакупова Т., Манатханова І., Нұрланқызы К., Тұрлыбекова Н. табиғаттың тамаша бейнесін, онда тіршілік ететін жәндіктердің, гүлдің формаларын жасап шығарды. Бұл жұмыстың қатты ұнағандықтарын балалар қуанышпен жеткізді.