06 Қаңтар 2017
6 қаңтар күні С.Сейфуллин атындағы Орталық қалалық кітапханада жер шарындағы ең әдемі әйелдерінің бірі, ән мен сұлулық бәйгесінің тәжін қоса киген алаштың ай маңдайлы аруы, КСРО халық әртісі, «Халық қаһарманы «Қазақ өнерінің саңлағы» Роза Тәжібайқызы Бағланованың 95 жылдық мерейтойына арналған өнер сағаты ұйымдастырылды.
Роза Тәжібайқызының өмірі мен өнері, қазақтың ән өнерін дамытуға айрықша ауқымды үлес қосқаны жайлы айтылып, оның репертуарында қазақтың халық әндері, қазіргі композиторлардың шығармалары үйлесімді көрініс тапқаны қазақ өнерінің тарихында айшықты із қалдырған қайраткер жайлы сөз болды. Әншінің орындалған әндері шырқалып, бейнежазба көрсетілді. Кешімізде әншінің, әндерін Қалибеков Өмірәлі «Асыл арман» әнін Бимолдина Мереке «Ах Самара городок» әндерін шырқап, әншінің өз дауысымен ән салынған бейнежазба көрсетілді. Көрермен ретінде 8 мектептің 10-шы сыныбының оқушылары қатысты.