06 Қаңтар 2017

«Кітап әлеміне бірге барайық» әдеби рандеву

С.Сейфуллин атындағы қалалық кітапхана 5 қаңтарда «Кітап әлеміне бірге барайық» атты әдеби рандевуде оқырмандарының басын қосты. Іс-шара мақсаты – оқырмандардың оқыған қызықты кітаптарымен бөлісуі, қазіргі таңда сұранысқа ие кітаптарға шолу жасау және өзара пікір алмасу болды. Кітап сүйер қауым әр түрлі сала мамандары болғанымен, барлығының басын біріктірген – кітапқа деген сүйіспеншілік. Аға буын оқырмандары мен жас буын оқырмандарының арасында сабақтастық орнатылып, рандеву қызықты өтті. Тұрақты оқырмандарымыз Мергенбаева Мағира Мұсаханқызы «Парасатты оқырман», Болғамбаев Асылхан Тусыпбаевич «Үздік оқырман», №2 Абай атындағы лицейдің кітапханашысы Булғанбай Хапура «Ойлы оқырман» номинациясымен марапатталды. Балқаш көпсалалы колледжінің студенттері мен ұстаздары белсене қатысып, өздеріне рухани азық алды.